Աշուղ Նազելի՝ ՇԱՂ ԵՍ, ՇՈՂ ԵՍ, սիրով Ձեզ համար

 Սիրելի՛ հետևորդներ, սիրով Ձեզ ենք ներկայացնում աշուղ Նազելու՝ «Շաղ ես, շող ես» սիրված երգը իմ մեկնաբանմամբ։ Պետք է նշեմ, որ ինձ համար չափազանց պատասխանատու է ժողովրդական, աշուղական երգերի անզուգական կատարող, իմ հրաշալի ընկեր՝ բազմաշնորհ Ռազմիկ Բաղդասարյանից հետո երգել։ Հեղինակ՝ Նազելի Գրիգորյան (Աշուղ Նազելի), գործիքավորող՝ Գարեգին Առաքելյան։ Ձայնագրությունը, mix & mastering՝ «Sad Studio, տեսանկարահանումը՝ Դավիթ Մադոյան։ Իմ աշխատանքային և պաշտոնական բլոգների, յութուբյան ալիքների և սոցիալական կայքերի խմբերի տեխնիկական մասի պատասխանատու՝ Արթուր Տեր-Սահակյան։ Առանձնահատուկ շնորհակալություն եմ հայտնում իմ տաղանդաշատ և ավագ ընկեր՝ բանասեր, մանկավարժ, սիրված երգչուհի-երգահան, աշուղ Նազելուն համագործակցության, վստահության և իր խոսքով, մտքով, խորհուրդներով կողքիս լինելու համար։

 

Աշուղ Նազելի՜ Ա՜Խ ՄԱՆ ԱՐԻ

 «Ա՜խ ման արի», հեղինակ իմ ավագ ընկեր, բանասեր, մանկավարժ, երգահան, սիրված երգչուհի՝ աշուղ Նազելի, գործիքավորումը ժողովրդական և աշուղական երգերի անզուգական կատարող, իմ հրաշալի՛ ընկեր՝ Էդգար Խաչատրյանի կողմից։ Սույն տեսանյութը նկարահանվել է զարմիկիս բանակից վերադարձի միջոցառմանը, Վանաձորի «Վաբա» ռեստորանային համալիրում։ 20․01․2020 թ․ Տեսաձայնագրությունը վերաթարմացրեց՝ իմ պաշտոնական և աշխատանքային յութուբյան ալիքների և բլոգների տեխնիկական մասի պատասխանատու՝ Արթուր Տեր-Սահակյանը։ Ամբողջական տարբերակը դիտեք յութուբի իմ պաշտոնական ալիքում, հղումը ներքևում է։

Հատված, Վանաձորի Արցախ պուրակում կայացած՝ ԵՍ ՔՎԵԱՐԿԵԼՈՒ ԵՄ, ՈՐՈՎՀԵՏև․․․ խորագրով միջոցառումից

 Վանաձորի Արցախ պուրակում վերջերս մասնակցեցի՝ «Հավասար իրավունքներ, հավասար հնարավորություններ» հաշմանդամություն ունեցող անձանց հասարակական կազմակերպության կողմից կազմակերպված՝ «Ե՛ս քվեարկելու եմ, որովհետև․․․» խորագրով, ֆոտոպատմությունների բացօթյա միջոցառման գեղարվեստական մասում։ Աշուղ Նազելի՜ «Էսօր օրը ուրբաթա», գործիքավորումը ժողովրդական և աշուղական երգիչ՝ Արման խաչատրյանի կողմից։ Տեսանյութը Գրիգ Լուսի, մոնտաժեց Էդվարդ Թամամյանը։ Յութուբի, բլոգի և սոցիալական պաշտոնական էջերի տեխնիկական մասի պատասխանատու՝ Արթուր Տեր-Սահակյան։ Ծրագրի մասին ամբողջական տեղեկույթը կարող եք կարդալ յութուբի իմ պաշտոնական ալիքի նկարագրության բաժնում։

ՀԵՐԹԱԿԱՆ ՆԿԱՐԱՀԱՆՈՒՄԸ

Վերջերս նկարահանվել եմ՝ ՄԱԶԾ «Բարեփոխումների խթանում՝ Հայաստանում ընտրական համակարգերի թափանցիկ և ներառական կառավարման նպատակով» (ARTEMIS) ծրագրի շրջանակներում, «Հավասար իրավունքներ, հավասար հնարավորություններ» հասարակական կազմակերպության կողմից պատրաստված կարճ ներառական-սոցիալական տեսահոլովակում։ Առանձնահատուկ շնորհակալություն եմ հայտնում՝ «Հավասար իրավունքներ, հավասար հնարավորություններ» հասարակական կազմակերպության աշխատակազմին՝ ի դեմս Հ․Կ-ի նախագահ Անուշ Ասլանյանին բովանդակային կարճ ներառական տեսահոլովակում ընդգրկելու և տպավորիչ ժամանակի, Դիլիջանի՝ Հովհաննես Շարամբեյանի անվան գեղարվեստի մանկական դպրոց ՀՈԱԿ-ի աշխատակազմին ի դեմս տնօրեն Հրեղեն Գասպարյանին ջերմ, հարազատ ընդունելության և նկարահանումներին տարածքով ապահովելու համար։ Տեսահոլովակը և ծրագրի մասին ամբողջական տեղեկույթը կարող եք տեսնել «Հավասար իրավունքներ, հավասար հնարավորություններ» Հ․Կ՝ EREO NGO-ի պաշտոնական էջերում․․․

ՇՆՈՐՀԱՎՈՐՈՒՄ ԵՄ ՏԱՎՈՒՇ ՀԵՌՈՒՍՏԱԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆ 6-ՐԴ ՏԱՐԻՆ

 Իմ համագործակցությունը իմ սիրելի հեռուստաալիքի հետ սկսել է դեռևս՝ 2021 թվականի դեկտեմբերից։ Առանձնահատուկ շնորհակալություն եմ հայտնում գործընկեր՝ «Տավուշ» հեռուստաընկերության ստեղծագործական անձնակազմին՝ ի դեմս հեռուստաընկերության տնօրեն պարոն Ն․ Գրիգորյանին իրենց կատարած մեծ աշխատանքի, անաչառ և գրագետ լուսաբանման համար։ Այս 6 տարիներին միշտ իմ կողքին են եղել լուսաբանել են իմ գործունեությունը, բազմիցս երգերս ցուցադրել հեռուստատեսության, նկարահանվել եմ մի քանի նախագծերում։ Շնորհակալ եմ նաև ընձեռած հնարավորությունների, համագործակցության, լուսաբանման համար։ Սրտանց շնորհավորում եմ Ձեր ազգանվեր, դժվարին, բայց միևնույն ժամանակ հետաքրքիր ու հեքիաթային գործունեության 6-րդ ամյակը։ «Տավուշ» հեռուստաընկերության կողմից պատրաստված տեսաշնորհավորանքների տեսահոլովակում կարող եք դիտել նաև իմ տեսաուղերձը։ Ամբողջական տարբերակը ստորև հղումով։ Շնորհավորում եմ։ «Տավուշ» հեռուստաընկերության «յութուբի» պաշտոնական էջը՝

ԲԱՐՈՎ ԵՔ ԾՆՎԵԼ ՏԵՐ ՇԱՎԱ՜ՐՇ

Հայի, հոգևորականի, ուսուցչի, ընկերոջ, հարազատի, մարդ լինելու և մարդ մնալու փայլուն օրինակ։ Կյանքում հազվադեպ են հանդիպում մարդիկ, որոնց խոսքը մխիթարություն է, ներկայությունը՝ խաղաղություն, իսկ ճանապարհը՝ լույսի ուղի։ Տեր Շավարշը այդ բացառիկ մարդկանցից է, ով իր հավատով, համեստությամբ ու սրտի ջերմությամբ մշտապես մարդկանց կողքին է։ Տեր Շավարշը այն բացառիկ հոգևորհայրերից է, ով 2013 թվականից նոր մեծ զարկ տվեց Դիլիջանի հոգևոր, մշակութային կյանքին, նա մարդկանց սրտերը լցնում է հավատով, երբեմն լռության ձայնով խոսում մարդկանց հոգիների հետ՝ իր շուրջը համախմբելով Դիլիջանի հավատացյալ ժողովրդին։ Տեր Շավա՜րշ ջան, օրհնվի Ձեր ծննդյան օրը, բարով եք ծնվել։ Ես էլ եմ միանում Ձեզ ուղղված բոլոր բարեմաղթանքներին, ջերմագին և սրտաբուխ խոսքերին ու շնորհավորում, մաղթելով քաջ առողջություն, հաջողություններ անձնականում և Ձեր Սուրբ գործում։ Թող Աստծո Սուրբ աջի զորությամբ, օրհնությամբ և լույսով լուսավորվեն Ձեր դեպի նպատակի գագաթնակետ տանող բոլոր ճանապարհները։ Հարգանքո՛վ՝ Վաչե Գրիգորյան։

Շնորհավոր հումորի և երկիծանքի օրը

Սիրելի՛ հայրենակիցներ, սիրով շնորհավորում եմ բոլորիս հումորի և երկիծանքի օրվա առթիվ։ Շատ սեր, սրտից եկող ժպիտներ եմ մաղթում։ Ուզում եմ, որ Ձեր կյանքի յուրաքանչուր վայրկյանը լեցուն լինի հումորի, ծիծաղի և երջանկության քաղցր պահերով։