ԱՐԻ ԻՄ ՍՈԽԱԿ ԵՐԳԸ, ՍԻՐՈՎ ՁԵԶ ՀԱՄԱՐ

Սիրելի՛ հայրենակիցներ, հետևորդներ, ընկերներ սիրով Ձեզ ենք ներկայացնում՝ «Արի իմ սոխակ» սիրված երգը իմ մեկնաբանմամբ։ Այս երգը երգել եմ՝ 10․09․2021-ին բազմաբնակավայր և խոշորացված Դիլիջան համայնքի մշակույթի տանը կայացած «Արահետ․ 20 տարի բեմում» իմ մենահամերգին։ Մի հետաքրքիր դիպված պատմեմ այս երգը կատարելու գաղափարի մասին։ Իմ ընկերներից՝ Անետը ով օգնում էր համերգի կազմակերպչական հարցերում, համերգից 3 օր առաջ, առավոտ ժամը 09։30-ին զանգահարում է ու ասում՝ ԱՆԵՏ -․ «Վաչ «Արի իմ սոխակ» երգը պետք է երգես համերգին։» ՎԱՉԵ՝ -․ «Ասացի Ան ջան, բայց ես այս երգը երբեք չեմ երգել, չեմ հասցնի։» ԱՆԵՏ՝ -․ «Ես գիտեմ ու վստահ եմ, որ քո մոտ կստացվի, ես գրում եմ սցենարում դու պատրաստվի, որ երգելու ես։» Ես էլ առավոտ կանուղ քնաթաթախ սկսեցի հեռախոսով երգել։ 3 օրում հասցրեցի սովորել ու երգել համերգին, առանց նվագակցությամբ։ Այս երգը ես լսել էի՝ Ալլա Լևոնյանի, Վահագ Ռաշի, Սերժ Թանկյանի և «Էլեմենտ» բենդի կատարմամբ, որի գործիքավորմամբ էլ որոշեցի իմ ձևով երգել 4 տարի անց։ «Էլեմենտ բենդ»-ի գործիքավորումը ինձ շատ հոգեհարազատ էր, համացանցում գտա գործիքավորումը ու սկսեցի երգել։ Տեսահոլովակի պատրաստման և ձայնագրության համար շնորհակալ եմ՝ «Sad studio»-ին, Անետա Դավթյանին, կազմակերպչական հարցերում աջակցելու և քաջալերելու օպերատոր Էրիկ Թովմասյանին տեսանկարահանման համար։ Երգի խոսքերը Ռաֆայել Պատկանյան, գործիքավորումը «Էլեմենտ» բենդ, Ձայնագրությունը, միքս-մաստերինգ և տեսահոլովակի հեղինակ՝ «Sad studio»։ Վայելեք սիրելիներս 2025 թվականի առաջին իմ պրեմիերան։ Մինչև եկրորդ տեսահոլովակը պատրաստ կլինի։ Ձեզ բարի դիտում սիրելիներս․․