Սիրելի հետևորդներ սիրով Ձեզ եմ ներկայացնում մանկության տարիների մի գեղեցիկ երգ, որը իսպաներեն լեզվով է։ Այս գեղեցիկ և տխուր կատարումը կոլումբիական հեռուստա նովել՝ «Սուրճ կնոջ բուրմունքով» սերիալի երգն է։ Ամեն անգամ այս տխուր և մեղեդային երգը լսելով միշտ ցանկացել եմ, որ երգեմ։ Այս երգը լսելիս տեղափոխվում եմ մանկություն և փորձում մտովի «Ճայի» նման մի քանի րոպեով ճախրել մանկության անծայրածիր օվկիանոսի քաղցրահամ ջրերի վրայով։ Ես սիրել եմ իսպաներեն լեզուն և սովորելով այս գեղեցիկ երգը իր թարգմանություններով, որոշեցի այսօր արդեն հասուն տարիքում երգել Ձեզ համար առանց նվագակցության։ Երգը կոչվում է՝ «Gavyota», խոսքերը, երաժշտությունը և կատարումը լսել եմ սիրված երգչուհի և դերասանուհի Մարգարիտա Ռոսե դե ֆրանցիսկոից։ Այս երգը այն բացառիկ երգերից է, որով ամեն առավոտ երգելով էի արթնացնում մեր բակի հարևաններին։ Առանձնահատուկ ուզում եմ շնորհակալություն հայտնել իմ հրաշալի ընկեր Գայանե Լալայանին երգի թարգմանության և սովորեցնելու, Արթուր Տեր-Սահակյանին էլ տեսանյութը պատրաստելու համար։ Gavyota իսպաներենից թարգմանաբար նշանակում է ճայ, որը երգող թռչուն է։
Grigorian Vache Official
Комментариев нет:
Отправить комментарий