«ՁԵՌՔ ԲԵՐՈՒՄՆԵՐ 21»

Յուրաքանչուր տարվա վերջում մենք ամփոփում ենք մեր անցած ուղին, իմի բերում մեր ձեռք բերումները և երբեմն կազմում ապագայի պլաններ։  Ի տարբերություն նախորդ տարիների՝ այս տարի ձեռք բերումներս քիչ են, բայց գոհ եմ, որ թագավարակային ու լարված իրավիճակում էլի հասցրել եմ ունենալ։ Կարևորը հակիրճ, իսկ մնացածը դիտեք լուսանկարներում։  Հենց 2021-ի սկզբում հյուրընկալվեցի Լոռու մարզային «Ֆորտունա» հեռուստաընկերության, «Բաց սենյակ» առավոտյան ծրագրի ուղիղ եթերում։  Մայիսին ավարտեցի «Տեղական ժողովրդավարական» դպրոցի՝ «Ապագա ավագանի» 5 օրյա դասընթացը։  Հուլիսին մասնակցեցի 44 օրյա պատերազմում զոհված Հերոս տղաների հուշահամալիրի բացմանը։  Հունիսի վերջում «Ունիսոն» Հ․Կ-ի կողմից նկարահանվել եմ հաշմանդամություն ունեցող անձանց նկադմամբ խտրականության դեմ պայքարի սոցիալական տեսահոլովակում։  Այս տարվա կարևոր ձեռք բերում եմ համարում նաև մաեստրո՝ Սերգեյ Հարությունյանի և դերասանուհի Արսինե Նավասարդյանի հետ հիշարժան հանդիպումները։  Ունեցա աշխատանքային հանդիպումներ «Ալբատրոսս» ռեզորտ հանգստյան համալիրի տնօրեն պարոն՝ Արա Մարությանի և մյուս գործընկերների և վաղեմի ընկերներիս հետ։  Այս տարի ձեռք եմ բերել նոր գործընկեր հյուրատներ, կազմել եմ 6 օրյա տուր փաթեթ, ինչպես նաև թարմացրել եմ՝ «Դիլի Տուր Ինֆո» առաջին տուրիստական-տեղեկատվական բլոգ Դիլիջանի տվյալների տեղեկատվական բազան։  Իմ հանրաճանաչ ընկերներիս հետ նկարահանել ենք իմ բեմական գործենության՝ 20 ամյակին նվիրված տեսահոլովակը։  Սեպտեմբերին ունեցա մենահամերգ և մասնակցեցի անկախության՝ 30 ամյակին նվիրված փոքրիկ միջոցառմանը զորամասում և զորամասի հրամանատարության կողմից արժանացա պատվոգրի։  Տարվա ընթացքում մասնակցել եմ նաև փոքրիկ հավաքույթների։  2021-ը սկսեցի հարցազրույցով, հյուրընկալվելով Լոռու մարզային հեռուստաընկերության ուղիղ եթերում, այնպեսել տարվա ավարտին նկարահանվեցի՝ «Տավուշ» մարզային հեռուստաընկերության հաղորդումներում։  Շնորհակալ եմ իմ բոլոր ընկերներիս, հետևորդներիս հանդիսատեսիս և գործընկերներիս կողքիս լինելու, աշխատանքս գնահատելու, քաջալերելու, ու համագործակցելու համար։  Ձեր շնորհիվ է, որ անկախ այս կորուստներով բարդ ու դժվարին ժամանակներում՝ Ես շարունակում եմ աշխատել և հպարտանալ Ձեր առաջընթացներով, գնահատելու ու արժեվորելու կյանքիս ամեն վայրկիանը, տրված հնարավորությունները և այն թանկ մարդկանց ովքեր շրջապատում են ինձ։