Տարվա լավագույն սպասված պրեմիերան Ամանորին։ Վաչե Գրիգորյան ՆՈՐ ՏԱՐԻ։ Երգի ամբողջական տարբերակը յութուբի մեր պաշտոնական ալիքում և բլոգում հասանելի կլինի դեկտեմբերի 31-ին։ Մեր պաշտոնական էջերը և յութուբյան ալիքները կարող եք գտնել այցելելով մեր պաշտոնական բլոգ,ներում տեղադրված հղումներով։
Grigorian Vache Official
пятница, 12 декабря 2025 г.
четверг, 11 декабря 2025 г.
среда, 26 ноября 2025 г.
ՏԱՎՈՒՇԻ ԹԱԳՈՒՀԻՆ, ՏԵՍԱՇՆՈՐՀԱՎՈՐԱՆՔՆԵՐ
Չեմ կարող բառերով նկարագրել թե որքան հաճելի է լինել գնահատված, որքան մեծ հպարտություն է ունենալ Ձեզ իմ կողքին, լինել հարուստ Ձեզանով, ջերմանալ Ձեր մարդ տեսակից, որ լուսավորում եք իմ ճանապարհները։ Քաջալերում ու թևավորում Ձեր ներկայությամբ, կյանքիս իմաստ եք տալիս, պարուրում նոր հեքիաթային գույնով ու լցնում նոր շնչով։ Շնորհակալ եմ բոլորիդ անուն առ անուն սրտաբուխ շնորհավորանքների, անկեղծ բարեմաղթանքների, Ձեր գնահատականի և կողքիս լինելու համար։ Ամբողջական տարբերակը դիտեք յութուբի իմ պաշտոնական ալիքում։ Որի հղումը դրված է ներքևում։
вторник, 4 ноября 2025 г.
Ամփոփում եմ 2025-ի առաջին 10 ամսվա կատարած աշխատանքները
Սիրելի՛ հետևորդներ եկել եմ Ձեզ հետ կիսվելու՝ 2025-ի իմ ձեռք բերումներով, խոսելու իրականացրած հանդիպումների, հաջողությունների մասին։ Այս տարի ձայնագրել ենք նոր երգեր, պատրաստել տեսահոլովակներ, իմ ընկեր Կարինե Սիմոնյանի հետ նկարահանել ենք «1 օր Վաչե Գրիգորյանի հետ» հաղորդումը։ Հյուրընկալվել էի «21 TV»-ի «Տոնդ շնորհավոր Դինայի հետ» հաղորդմանը, որտեղ էլ կայացավ հեղինակային «Տղերքը չկան» երգի տեսահոլովակի պրեմիերան։ «ReOpen Media»-ի երիտասարդները նկարահանել են հեռուստառեպորտաժ, որտեղ խոսել եմ իմ գործունեության մասին։ Այս տարի մասնակցել եմ՝ Հաղարծին վանական համալիրում կազմակերպված Համբարձման տոնին ներկայացնելով աշուղական երգեր։ Դիլիջանի համայնքապետարանի աջակցությամբ տպագրել ենք Դիլիջանի մասին ավանդազրույց պատմվածքի հիման վրա կազմված՝ «Տավուշի թագուհին» խորագրով հեղինակային փոքրիկ գրքույկը և սեպտեմբերի 16-ին Դիլիջանի Հովհաննես Շարամբեյանի անվան գեղարվեստի մանկական դպրոցում իրականացրել գրքույկի շնորհանդես-միջոցառումը։ «Տավուշի թագուհին» խորագրով միջոցառման շրջանակներում հանդիպումներ եմ ունեցել՝ Դիլիջան համայնքի ղեկավար Դավիթ Սարգսյանի, «Օլդ ցենտր Դիլիջան» հյուրանոցի և «Դիլիջան» հյուրատան ներկայացուցիչների հետ։ Ամռան վերջում մասնակցել եմ Դիլիջանում կազմակերպված «Արհեստների-արվեստների» ամեն ամյա ավանդական փառատոնին հեղինակային և աշուղական երգերով, արժանացել եմ շնորհակալագրի։ Ստեղծագործականիս զուգահեռ հասցրել եմ մասնակցել՝ Դիլիջանում կայացած «Ականների/ Պայթյունավտանգ զինամթերքի ռիսկերի ուսուցման և անվտանգ վարքագծի սկզբունքների վերաբերյալ իրազեկման» թեմայով բացօթյա միջոցառմանը, Վանաձորում՝ «Հաշմանդամություն ունեցող անձանց քաղաքականության և որոշումների կայացման գործընթացներում ներգրավման խթանմանն ուղղված աշխատարան»-ի հանդիպմանը և Երևանում՝ «Հավասարության և մատչելիության ապահովում հաշմանդամություն ունեցող անձանց համար» ծրագրի շրջանակներում Հաշմանդամություն ունեցող անձանց իրավունքների և ծառայությունների վերաբերյալ ազգային համաժողովին։ Առաջիկայում էլ կան նորություններ, պատրաստվում են նոր երգեր։ Շնորհակալություն ուշադրության և տրամադրված ժամանակի համար։ Հարգանքո՛վ՝ Ձեր Վաչե Սարգիսի Գրիգորյան։
вторник, 7 октября 2025 г.
Շնորհավոր տոնդ, սիրելի՛ գրադարանավար
Սիրելի գրադարանավարներ, սրտանց շնորհավորում եմ բոլորիդ գրադարանավարի օրվա առթիվ։ Գիրքը կրթության հիմնաքարն է, իսկ գրքերի տիեզերական աշխարհը կրթության դարբնոց։ Դուք այն մարդիկ եք, ովքեր ամեն օր պահպանում և տարածում են գիտելիքի ու մշակույթի լույսը։ Ձեր շնորհիվ գրադարանները մնում են ոչ միայն գրքերի պահոց, այլև մի վայր, որտեղ մարդիկ գտնում են իրենց մտածելու, ստեղծագործելու, կրթվելու, մտահորիզոնը զարգացնելու, միտքը ամրապնդելու, խոսքը հստակեցնելու և ոգեշնչվելու տեղը։ Շնորհակալ եմ Ձեզ՝ Ձեր համբերատար, անձնվեր աշխատանքի համար։ Թող ձեր աշխատանքը միշտ լինի գնահատված, իսկ գրքերի հանդեպ սերը՝ անսպառ։ Հարգանքո՛վ՝ Վաչե Գրիգորյան․․․
Подписаться на:
Комментарии (Atom)